Son más de doscientos escolinos de Corvera qu'estudien asturianu nel primer y segundu ciclu de primaria los llamaos a participar nel concursu
15 dic 2023 . Actualizado a las 18:47 h.El Conceyu de Corvera, al traviés de la Casa de la Llingua-Serviciu de Normalización Llingüística de Corvera, entama de nuevo y con motivu de la Navidá, el Concursu «Carta a los Reis Magos n'Asturianu».
El concursu consiste en facer la carta a los Reis Magos n'asturianu. La carta distribuyóse yá peles escueles del conceyu y la selección de les cartes ganadores va facese per nivel educativu --primer y segundu ciclu de primaria--. Son más de doscientos escolinos de Corvera qu'estudien asturianu nel primer y segundu ciclu de primaria los llamaos a participar nel concursu, informa Europa Press.
La carta tien que s'entregar nel Centru Sociocultural de Les Vegues ente'l 27 y el 30 d'avientu. A los neños ganadores va entregáse-yos el premiu a la meyor carta escrita n'asturianu el 21 de febreru del 2024, coincidiendo col Día Internacional de la Llingua Materna, consistiendo'l premiu nun lote de llibros n'asturianu, p'animar a la llectura a los más pequeños, y nun vale por valor de 100 euros pa mercar en material escolar nos comercios corveranos.