La campaña va repartir dellos premios pa promocionar la Sidra d'Asturies
03 jun 2024 . Actualizado a las 14:56 h.Una campaña rompedora y na que, como novedá, va consistir nel métodu ‘Rasca y Gana’ y nel que se van repartir miles de premios valoraos en 85.000 euros: Iphones, entraes pal Boombastic, espiches, cenes, fines de selmana o botelles de sidra. Pa ello, el Conseyu Regulador habilitó una páxina web na que, tres «rascar la etiquetina», vas poder comprobar si la tuya ye la premiada con dalgunu de los munchos premios.
L'oxetivu d'esta campaña ye, per un llau, consiguir la diferenciación de Sidra d'Asturies d'otres sidres naturales. Como segundu propósitu, fidelizar a los yá consumidores de sidra DOP y atraer a los potenciales, especialmente, el públicu mozu. Daniel Ruiz, xerente del Conseyu, argumentó que «tenemos que tener con ellos un miramientu especial porque se tiren toos a la cerveza y nun pue ser. Nun añu nel que la cultura sidrera va ser declarada Patrimoniu Inmaterial de la Humanidá precisamos que los mozos sigan tirando por ella».
De la mesma, ensin esviase de la importancia del consumu del productu local y dando valor a la certificación d'orixe y calidá del Conseyu Regulador. La campaña va tar n'activu hasta'l 15 de xunetu y tamién se va espublizar en prensa escrita, radio, televisión y redes sociales.