Camen Virgili desempeñó distintos cargos académicos y políticos a lo llargo de la so vida
17 jun 2019 . Actualizado a las 12:31 h.Carmen Virgili foi la primer catedrática de la Universidá d'Uviéu. Llicenciada en Ciencies Naturales y doctora en Xeoloxía, en dambos casos con premiu estraordinariu pola Universidá de Barcelona. En 1963 convirtióse na segunda muyer catedrática na área de Xeoloxía n'España, al llograr la Cátedra d'Estratigrafía y Xeoloxía Histórica de la Universidá d'Uviéu, onde llegó en plena llucha minera, lo que contribuyó a la so concienciación política. En 1968 foi nomada catedrática de la Universidá Complutense de Madrid. En 1971 entró nel Partíu Socialista Obreru Español (PSOE) y na Unión Xeneral de Trabayadores (UXT), compatibilizando de magar, con dedicación y enerxía, les sos actividaes investigadores, docentes y polítiques.
Nel cursu 1972-1973 foi nomada “professeur associé” na Universidá “Louis Pasteur” d'Estrasburgo (Francia). Esta estancia dexó-y contactar col Partíu Socialista Francés y facilitar diverses xuntes ente socialistes franceses y españoles. Mientres, 1974 foi vicepresidenta de la Sociedá Xeolóxica de Francia. Foi escoyida decana de la Facultá de Xeoloxía de la Universidá Complutense de Madrid en 1977, cargu que desempeñó hasta 1980, siendo estos años tamién vicepresidenta del Comité Español d'Estratigrafía. Na década 1977-1987 foi presidenta de la Fundación Pablo Iglesias, y miembru de la 1.ª Comisión de Tresferencies del Estáu a la Generalitat de Catalunya mientres el períodu pre-Estatutu, de 1978 hasta 1981; y ocupóse especialmente de la Tresferencia d'Educación y Cultura.
Nel primer gobiernu del PSOE n'España, foi nomada secretaria d'Estáu d'Universidaes ya Investigación, cuidao que ocupó de 1982 a 1985. Nesta etapa aprobóse la Llei de Reforma Universitaria y preparóse la llei que reestructuraría y potenciaría la investigación científica.