L'equipamientu celebra los díes 27 y 28 de xunu visites guiáes pa ver los meyores tesoros, como los espedientes de los recluyíos na dictadura franquista
26 jun 2019 . Actualizado a las 11:40 h.L’Archivu Históricu d’Asturies guarda dalgunos de los meyores tesoros documentales. Asitiáu n’antigua cárcel provincial d’Uviéu, tien documentos dende’l sieglu XII hasta anguaño, con información abondu de l'Audiencia Territorial, rexistros dellos, llibros antiguos, protocolos y otros munchos documentos de la hestoria asturiana, principalmente la entendida ente los sieglos XVI y XX.
Esta selmana, los díes 27 y 28 de xunu, l’Archivu celebra puertes abiertes con visites guiáes d’accesu llibre a les 17:00 y 19:00 hores.
Esti equipamientu ocupa la vieya cárcel dende 2010. Enantes taba na cai del Aguila, n'Uviéu, na parte posterior del monasteriu de -yos Pelayes, pero en marzu de 2010 foi treslladáu al guo allugamientu actual.
Agora caltien más de 180 fondos distintos, tantu públicos como privaos, y 65 kilómetros d'estanteríes. La planta con forma d’estrella, onde s'allugaben les distintes galeríes, tien agora la zona d'alministración y direición y los depósitos de documentos.
Caltuviéronse cuatro celdes como testigu de la vida carcelaria a lo llargo del sieglu XX, flanqueadas per un espaciu de calter espositivu onde se reproduz el llocutoriu según variaos aspeutos de la vida de la prisión.
Los fondos colos que cunta l'archivu son:
- 88.775 caxes
- 14.838 llibros
- 1.906 microfilmes
Unu de los apartaos documentales más interesantes son les más de seiscientes caxes colos espedientes de los recluyíos qu'habitaron esti llugar mientres mientras la dictadura franquista. Caltiense tamién l'espediente procesal del rector Alas, qu'entró a la prisión en xunetu y foi fusiláu en febreru del 37.
L'Archivu Históricu d'Asturies alluga tesoros estraordinarios guardaos, como la serie de partitures musicales de cantar gregoriano del sieglu XII. La Conseyería d'Educación acaba d'apurrir más de 2.300 caxes con más d'un sieglu de documentación académica.