El Muséu del Pueblu d'Asturies incorpora una semeya de Palacio Valdés a la so coleición
CON C DE CIENCIA Y CULTURA
El retratu foi donáu por un mecenes que quier permanecer nel anonimatu
31 jul 2019 . Actualizado a las 08:21 h.La iconoteca del Muséu del Pueblu d'Asturies acaba d'ingresar una semeya del escritor Armando Palacio Valdés donáu por un mecenes que quier permanecer nel anonimatu y procedente d'una llibrería de vieyu de Madrid.
Probablemente, realizóse pola so candidatura al Premiu Nobel de Lliteratura presentada esi mesmu añu y un añu dempués. Na semeya, Palacio Valdés aparez sentáu nel so escritoriu mirando directamente al oxetivu de la cámara.
Aparenta cerca de 75 años y na so cara reflexa'l pasu del tiempu, la pérdiga del so fíu únicu en 1922 y otros graves contratiempos, indicaron al traviés de nota de prensa dende'l Conceyu de Xixón, según recueyi EUROPA PRESS.
Trátase d'una semeya de 16 x 22 cm sobre un cartón (28 x 35 cm) nel que figura'l nome del autor, "Pío Fotógrafo", y una dedicatoria fecha de puñu y lletra pol mesmu Palaciu Valdés: "Al mio queríu amigo y compañero Alberto de Segovia. Alcordanza candial. A. Palacio Valdés".