Armando Vega presenta en L'Infiestu'l poemariu ganador del Nené Losada Rico

Esti xueves 22 d'agostu a les 21.30 hores presentase en L'Infiestu, nel Barriu de Triana y nel marcu del mercáu nocherniegu del Agostiellu, el poemariu «Ritanes, ñerbates y otros cantos al pasáu», col que l'autor Armando Vega fíxose col Premiu Nené Losada Rico nel añu 2017.

«Ritanes, ñerbates y otros cantos al pasáu» axunta composiciones de distinta factura nes que predomina'l poema curtiu, pero también dangún de más llargor que falen de la memoria de la infancia perdida, informa Europa Press. Escritu nun asturianu apegáu a la oralidá, estráu de dialectalismos orientales, esti nuevu poemariu d'Armando Vega ganó'l Premiu de Poesía Nené Losada Rico que convoca'l Conceyu de Valdés nel 2017.

Armando Vega Rodríguez (Piloña, 1961) desenrolla'l so llabor d'artista multidisciplinar en Xixón, con xeres qu'abarquen dende la fotografía a la escultura. Escritor billingüe asturianu-castellanu, tien dos poemarios publicaos, 'Pente'l borrín de la memoria' (2005) y 'Les hores escrites/Las horas escritas' (2011).

---

---