El Premiu Nobel de Lliteratura Peter Handke tien obra traducida al asturianu

La Voz UVIÉU

CON C DE CIENCIA Y CULTURA

«La muyer manzorga» fue publicada orixinalmente en 1976 y ta editada n'asturianu por Ediciones Trabe nel añu 2000

10 oct 2019 . Actualizado a las 14:18 h.

L'escritor austriacu Peter Handke, gallardonáu col Premiu Nobel de Lliteratura 2019, pue lleese n'asturianu. La so novela 'La muyer manzorga' ta traducida directamente del alemán pola escritora ayerana Consuelo Vega.

'La muyer manzorga', publicada orixinalmente en 1976 y editada n'asturianu por Ediciones Trabe nel añu 2000, ye la crónica de la separación d'una pareya. Ensin motivu aparente la protagonista decide vivir namás col fíu d'ocho años. Asina empieza'l llargu y duru deprendizaxe de la soledá, na imposibilidá de comunicar cola xente que la arrodia.

Peter Handke naz en Griffen, Austria, en 1942. Ensayista, novelista, poeta y autor de teatru, Handke ye ún de los escritores europeos más importantes, informa Europa Press.