Uviéu acueye una ruta n'asturianu pelos llugares de la Revolución d'Ochobre
CON C DE CIENCIA Y CULTURA
Los participantes van tener regalos y descuentos na campaña de micromecenalgu de «Depués d'Ochobre»
10 oct 2019 . Actualizado a las 10:53 h.Les cais d'Uviéu acueyen esti sábadu 12 d'ochobre a les 18.00 hores una visita guiada n'asturianu pelos escenarios de la Revolución d'ochobre de 1934, ún de los acontecimientu más importante que vivió la capital asturiana en tol sieglu XX.
Esti itinerariu históricu, entamáu por «Ser asturianu» y que principia n'El Campillín, va permitir conocer la última revolución obrera d'Europa occidental y los llugares que foron protagonistes de los feches.
Les mesmes van tar dirixíes por Denis Soria, guía oficial d'Asturies y guía habilitáu de la catedral. El preciu p'adultos ye de 5 euros y los menores de 12 años puen participar de baldre. P'apuntase ye imprescindible acutar con antelación nel corréu electrónicu infoserasturianu@gmail.com o llamar al 626 221 712.
Amás, los participantes van tener regalos y descuentos na campaña de micromecenalgu de 'Depués d'Ochobre', el primer xuegu de rol fechu n'asturianu, informa Europa Press.