«Esti llugar qu'agora ye nuesu. Poemariu neanderthal», obra que se fixo col Premiu Fernán Coronas nel añu 2017
25 oct 2019 . Actualizado a las 13:52 h.Ediciones Trabe acaba de publicar el poemariu d'Aida Escudero Esti llugar qu'agora ye nuesu. Poemariu neanderthal, obra que se fixo col Premiu Fernán Coronas nel añu 2017, un de los más prestixu de les lletres asturianes.
Ventisiete son los poemes que conformen Esti llugar qu'agora ye nuesu. Nellos, al traviés de la dómina y los seres neanderthales l'autora fai una reflexón poética sobre los principales argumentos de la vida.
Aida Fernández Escudero (Uviéu, 1985) ye filóloga y profesora de Llingua y lliteratura española y d'asturianu na Enseñanza Secundaria. Con esti poemariu dase a conocer al gran públicu, anque yá tuviera poemes publicaos en revistes como Formientu, Lliteratura o Larius. Nel mesmu añu fíxose col Premiu Asturias Joven de Poesía cola obra Familia con autorretratu al fondu (2018).