Riverland, festival revelación del añu

J.S.

CON C DE CIENCIA Y CULTURA

Festival Riverland

El festival que se celebra en Les Arriondes vendió 18.000 entraes sólo en diez hores

02 nov 2019 . Actualizado a las 05:00 h.

El Riverland de Les Arriondes, que se celebró nos cuatro primeros díes d'agostu de 2019, llogró'l gallardón del festival revelación del añu na gala de los premios Fest qu'evalúa los meyores festivales del país. A los premios, los más importantes del sector y que la so gala tuvo llugar en Bilbao, llegaron más de 180 inscripciones y alredor de 50.000 votaciones.

Riverland, que competía como finalista a Festival Revelación xunto con O Son Do Camiño y Ribera Sound, foi finalmente l'escoyíu pol xuráu y el públicu como'l meyor eventu revelación d'esti añu. El conceutu de Riverland caló ente los usuarios más nuevos dende'l primer día. A finales de 2018 y ensin realizar nenguna campaña publicitaria, la comunidá de Riverland llegó a los 23.300 fans y vendiéronse 13.000 abonos en menos de seis meses. Polos sos escenarios figuraron nomes como C. Tangana, Natos y Waor, Sidecars, Beret, Ayax y Prok, Taburete, Miss Caffeina, Bad Gyal, Rels B, The Zombie Kids, Don Patricio, Mariña o Rulo y La Contrabanda.

La segunda edición, que se va celebrar los díes 23, 24 y 25 de xunetu de 2020, acaba de llanzase nes últimes selmanes y consiguió un nuevu récord n'Asturies. Tres la salida a la venta, escosáronse 18.000 abonos n'apenes 10 hores. A día de güei'l festival cunta nel so cartelu musical con Kase.O, Natos y Waor, Leiva, Rayden, Denom, Costa, Zetazen, Nawja Nimri, Cupido, Dellafuente, Nil Moliner o Guitarrica de la Fuente.