Los mellizos Ariel y Berta vuelven con una aventura per Ponga

La Voz

CON C DE CIENCIA Y CULTURA

El llibru infantil Ariel y Berta: van pa Ponga ye una obra del escritor candasín Xurde Fernández y con ilustraciones de David G. Ferrero

20 nov 2019 . Actualizado a las 11:10 h.

Ediciones Trabe acaba publicar el llibru infantil Ariel y Berta: van pa Ponga, del escritor candasín Xurde Fernández y con ilustraciones de David G. Ferrero. El llibru fala d'Ariel y Berta, dos mellizos que yá protagonizaron un llibru onde facíen una escursión pel Cabu Peñes. Nesta ocasión, van col padre, la madre y la güela pa Ponga a pasar les Navidaes. Ellí, baxo la nieve y colos guirrios y l'aguilandu de fondu, van vivir otra aventura, esta vez con Antón y Deva.

Xurde Fernandez (Candás, 1975) tien delles obres editaes (Volver, 2007; El color del escaezu, 2008, xunto Marián García; La espera, 2008; Ucrania y otros nomes de muyer, 2009; Díes d'iviernu, 2009; Intentu d'escritura, 2010; y Aeropuertu, xunto Marián García, 2011). Pero ye tamién poeta (Difícil, Premiu Fernán-Coronas de Poesía 2013), autor de testos dramáticos (Pa L'Habana, 2016) y d'una llarga retafila de llibros pa nenes y nenos.