La Universidá d'Uviéu va poner en marcha en 2020 un Serviciu de Normalización
CON C DE CIENCIA Y CULTURA
El director xeneral de Política Llingüística destacó la importancia que tienen estos servicios «como pieces clave pa la normalización de la llingua»
27 nov 2019 . Actualizado a las 20:56 h.El director xeneral de Política Llingüística del Gobiernu asturianu, Antón García, anunció esti miércoles que ta prevista ayuda pa l'apertura, nel 2020, d'un serviciu de normalización nuevu, nesti casu de la Universidá d'Uviéu.
García aconceyó col personal técnicu responsable de los Servicios de Normalización municipales na sede de la Conseyería de Cultura, Política Llingüística y Turismu. Nesta «primer toma de contactu», según informó'l Principáu, el director destacó la importancia que tienen estos servicios «como pieces clave pa la normalización de la llingua».
Nesi sentíu, comprometióse a reforciar la coordinación de cara a optimizar los recursos, especialmente na ellaboración y espardimientu de campañes, cursos d'adultos, usu de la toponimia oficial «y en xeneral nes distintes prestaciones qu'ufierten a la ciudadanía».