Publícase n'asturianu «La Riegla de San Benitu», un códigu monásticu del sieglu VI

La Voz REDACCIÓN

CON C DE CIENCIA Y CULTURA

Imaxe de la presentación.
Imaxe de la presentación. ALLA

El testu ye un códigu monásticu que foi fundamental pa la organización y espardimientu del monacatu n'Europa Occidental a lo llargo de los sieglos

18 dic 2019 . Actualizado a las 19:09 h.

L'Academia de la Llingua Asturiana y el Real Monesteriu de San Pelayu presentaron esti miércoles la versión asturiana de La Riegla de San Benitu, el códigu monásticu que Benitu de Nursia escribió nel sieglu VI. Nel actu, celebráu nel monesteriu, participaron el presidente de l'ALLA, Xosé Antón González Riaño; l'abadesa de San Pelayu, Rosario del Camino Fernández-Miranda; y la secretaria de la institución llingüística, Pilar Fildago.

El testu ye un códigu monásticu que foi fundamental pa la organización y espardimientu del monacatu n'Europa Occidental a lo llargo de los sieglos. La comunidá de San Pelayu solicitó nel 2012 a l'Academia una revisión de la primer traducción del testu iguada en 1994 pol Coleutivu Manuel Fernández de Castro, traducción que se publicó coincidiendo col milenariu del treslláu de les reliquies de San Pelayu a Uviéu.