Publícase «La colomina 36», una novela ucrónica ambientada na Asturies soviética de 1970

Ediciones Trabe publicó «La colomina 36», novela ucrónica de Nicolás Bardio ambientada na Asturies soviética de 1970. La obra foi la ganadora del Premiu Asturies Xoven de Narrativa de 2019.

«La colomina 36» ta ambientáu nuna Asturies alternativa, onde trunfó la Revolución d'Ochobre de 1934. Asina, convirtióse na República Socialista Soviética d'Asturies (RSSA), que forma parte de la URSS. Trátase d'una novela d'espíes que ta protagonizada por Fabián, un axente que sal de l'Academia del KGB y tien que facese pasar por un vecín más nuna colomina deprimente nel Mieres soviéticu de 1970.

Nicolás Bardio (Uviéu, 1987) ye llicenciáu en Ciencies Polítiques pola Universidá Complutense de Madrid y máster n'Información y Comunicación con especialidá en Periodismu pola Universidá Llibre de Bruseles. Traductor y narrador, tien publicaes les noveles «Sol reló» (2008), y «Cuando ensamen les abeyes» (2011), obra ucrónica d'aventures. Nel 2019 foi a sacar el primer xuegu de rol n'asturianu, «Depués d'Ochobre», del qu'esta novela vien a enantar el so universu, informa Europa Press.

---

---