La Plataforma del gallego-asturianu acusa al conceyu de Cuaña d'incumplir la llei por nun respetar la toponimia
CON C DE CIENCIA Y CULTURA
L'asociación recuerda qu'en marzu del 2019 publicóse nel BOPA'l decretu qu'estableció la toponimia tradicional del conceyu
28 may 2020 . Actualizado a las 13:40 h.La Plataforma pola Oficialidá del gallego-asturiano acusó esti xueves al Conceyu de Cuaña de «nun respetar la llei» por nun facer usu de la toponimia oficial nun anunciu sobre'l plan de despliegue de la fibra óptica na zona.
Nun apunte en twitter recoyíu por Europa Press, l'asociación recuerda qu'en marzu del 2019 publicóse nel BOPA'l decretu qu'estableció la toponimia tradicional de Cuaña como la única oficial del conceyu. Nesi sentíu, la organización indica que, pa eso, hubo un procesu alministrativu con trabayu de campu, xuntes ente espertos y un procesu d'alegaciones que llevaron «a l'aprobación de la llista final nun plenu municipal».
«Namás depués d'esi pasu, el Conseyu de Gobiernu aprobó la toponimia y publicóse nel BOPA, pero al Conceyu tanto-y da si vemos esi anunciu», indica la organziación, que señala que «ye la hora de que'l Conceyu de Cuaña respete la llei y use les formes oficiales, que son les tradicionales».