L'asturiana Leticia Sánchez Ruiz gana'l premiu de novela negra Cubelles Noir

La so obra «Cuando es invierno en el mar del norte» cunta la investigación d'un asesinatu na inaccesible Islla d'Or

La escritora asturiana Leticia Sánchez Ruiz
La escritora asturiana Leticia Sánchez Ruiz

Redacción

Leticia Sánchez Ruiz, cola so obra «Cuando es invierno en el mar del norte», foi gallardonada col Premiu Cubelles Noir a la meyor novela negra escrita por una muyer en 2019 nel V Festival de Novela Negra d'El Garraf, xunto cola escritora catalana Graziella Moreno y el so llibru Invisibles».

«Cuando es invierno en el mar del norte» axunta na so trama a tolos miembros de la enigmática familia Larfeuil na so casa allugada na tormentosa ya inaccesible Islla d'Or. Toos son sospechosos del asesinatu d'Antonio Trigo, un home desconocíu que foi atopáu muertu nuna sablera cercana. El meticulosu inspector Pambley y Dora, una periodista cultural en paru, van collaborar nuna frenética investigación pa tratar de resolver el crime.

L'autora Leticia Sánchez Ruiz (Uviéu, 1980), periodista, escritora y profesora de narrativa, publicó hasta agora Los libros luciérnaga (Premiu Emilio Alarcos, 2009), El Gran Juego (Premiu Ateneo Nuevo de Sevilla, 2011) y la obra teatral Hermanas, representada pola compañía teatral El Callejón del gato.

Comentarios

L'asturiana Leticia Sánchez Ruiz gana'l premiu de novela negra Cubelles Noir

Cola ayuda de