La Tertulia Malory escueye «Memoria de Tuña», d'Antón García, como meyor llibru n'asturianu
CON C DE CIENCIA Y CULTURA
El gallardón consiste nuna ilustración d'Alfonso Zapico y una medaya conmemorativa, que se van entregar nun actu públicu en L'Entregu
07 sep 2020 . Actualizado a las 12:35 h.La Tertulia Malory, de L'Entregu, escoyó como meyor llibru n'asturianu de tolos que s'editaron nel 2019 la novela «Memoria de Tuña», del escritor y editor Antón García.
El xuráu destacó, nel acta del fallu, que «la novela guarda una unidá tonal, l'autor ye quien a construir, a partir de la señaldá y el sentimientu, un universu simbólicu, onde con emoción controlada facer un homenaxe al pueblu, la familia, la infancia y la tradición».
El gallardón consiste nuna ilustración d'Alfonso Zapico y una medaya conmemorativa, que se van entregar nun actu públicu en L'Entregu en feches próximes. Con esti gallardón, los sos entamadores quieren prestixar les lletres asturianes, al empar que se da difusión a les obres que, a criteriu del xuráu, sían consideraes los meyores llibros escritos cada añu n'asturianu.
El xuráu tuvo formáu polos escritores Xulio Arbesú, José Luis Rendueles, Solinca Turbón, Pablo Rodríguez Medina, Roberto Corte, Aique Fernandi, Chechu García y Henrique G. Facuriella, que fallaron el premiu nun actu celebráu na tertulia'l 4 de setiembre de 2020.