Diamantina Rodríguez cumple güei 100 años

Diamantina ye una de les voces más importante de la historia de la canción asturiana

Diamantina Rodríguez
Diamantina Rodríguez

Una de les voces más importante de la canción asturiana del sieglu XX, Diamantina Rodríguez (Vil.laxime, Quiros, 1920), fai esti llunes 14 de setiembre 100 años. La interprete ye depués d'Obdulia Álvarez Díaz, «La Busdonga», el nome femenín más emblemáticu de la historia de la tonada.

Diamantina Rodríguez principió la so carrera en 1948 nel concursu de tonada entamáu pol diariu Región, onde quedó na segunda posición. Grabó'l so primer discu en 1969 y en 1971 editó un trabayu dedicáu al cancioneru d'Eduardo Martínez Torner. La verde Asturias o Canciones asturianas son otres de les dos obres, ente les que destaquen cantares que formen parte de la historia de la música asturiana como Mariñana o A la madre de los mineros.

Diamantina Rodríguez foi exemplu pa la xeneración nueva d'interpretes femenines de canción asturiana, que güei tán renovando'l xéneru, como Anabel Santiago, Liliana Castañón, Marisa Valle Roso o Rosario González.

Nel añu 2002, la cantante recibió la medaya d'Asturies, que concede'l Gobiernu del Principáu, na categoría de plata, como reconocimientu a la so trayectoria artística y la so contribución al patrimoniu musical asturianu.

Tags
Comentarios

Diamantina Rodríguez cumple güei 100 años

Cola ayuda de