L'ALLA va nomar al escritor Pablo Rodríguez Medina como académicu correspondiente nuevu

L'ALLA destacó que'l so currículu lliterariu ta compuestu «d'obres de valir grande nos tres grandes xéneros»

Pablo Rodríguez Medina
Pablo Rodríguez Medina

L'escritor y profesor entreguín Pablo Rodríguez Medina va ser nomáu académicu correspondiente de l'Academia de la Llingua Asturiana (ALLA), según escoyó por unanimidá la institución nuna Xunta Estraordinaria.

L'ALLA destacó que'l so currículu lliterariu ta compuestu «d'obres de valir grande nos tres grandes xéneros», lo que-y fixo collechar bien de premios del mayor prestixu igual en narrativa, qu'en poesía y en teatru.

Amás del so llabor creativu, ye importante la so contribución pedagóxica, que vien exercitando nel ámbitu regláu como profesor funcionariu de Secundaria y tamién como docente, dende cuantayá, de la Universidá Asturiana de Branu.

Pablo Rodríguez Medina va recibir solemnemente la so condición nueva d'académicu correspondiente de l'ALLA nel Día de les Lletres Asturianes, qu'esti añu va celebrase nel Aula Magna de la Universidá d'Uviéu, el 2 d'ochobre, nun actu restrinxíu y afayáu a les condiciones hixénico-sanitaries.

Comentarios

L'ALLA va nomar al escritor Pablo Rodríguez Medina como académicu correspondiente nuevu

Cola ayuda de