RPA va programar na Selmana de les Lletres delles pieces pa conmemorar el 'Cancionero' del musicólogu uvieín
24 sep 2020 . Actualizado a las 11:48 h.La Radio del Principáu d'Asturies (RPA) va sumase a la celebración de la Selmana de les Lletres Asturianes con 25 miniespacios sobre'l centenariu de la publicación de la obra magna del musicólogu uvieín Eduardo Martínez Torner: el 'Cancionero Musical de la Lírica Popular Asturiana'.
Publicáu en 1920 trátase d'un trabayu que diba tener una importancia pergrande na musicoloxía europea. Ente les pieces que pueden alcontrase nél hai dances, cantares de trabayu, de boda, pal baille, de ronda, fandangos o añaes; toes elles recoyíes de la tradición musical asturiana.
A lo llargo de toa esa selmana, 25 miniespacios van dar a conocer los aspectos más importantes d'esta obra y tamién de la vida del so autor, amás de sentir dellos de los cantares que s'inclúin nel 'Cancionero Musical de la Lírica Popular Asturiana' versionaos polos artistes y grupos asturianos de los más variaos estilos.
Les píldores radiofóniques van dar a conocer aspectos de les circunstancies vitales y del trabayu investigador de Torner, amás de tratar el conteníu y repercusión de la so obra.
Les pieces van completase con versiones de dellos cantares conteníos nél feches por bandes y solistes como Carlos Rubiera, Víctor Manuel, Anabel Santiago, Diamantina Rodríguez, Avalanch, Corquiéu, Llan de Cubel, Felpeyu, Mus, Nuberu, Hevia, Isaac Turienzo, Los Cuatro Ases o Madreselva, ente otros munchos.
Con guión y escoyeta musical de Xune Elipe y la realización de Goxe Producciones, les pieces van emitise del llunes 28 de setiembre al vienres 2 d'ochobre, depués de los boletinos informativos de les 11.00, 13.00, 16.00, 17.00 y 18.00 hores; informó Europa Press.