Parres y Asturies Paraísu Natural Filme Commission impulsen del turismu cinematográficu
CON C DE CIENCIA Y CULTURA
Firmaron un protocolu de collaboración pal fomentu de los rodaxes
25 sep 2020 . Actualizado a las 17:16 h.El Conceyu de Parres y l'Asturies Paraísu Natural Filme Commission firmaron un protocolu de collaboración pal fomentu de los rodaxes y l'impulsu del turismu cinematográficu n'Asturies y el conceyu.
L'oxetivu, esplicó'l Conceyu, ye favorecer la consecución de rodaxes de proyectos de cine, televisión, publicidá y otros proyectos audiovisuales qu'ayuden a asitiar Asturies y a los conceyos participantes nel protocolu como destín «filme friendly», impulsando'l desenvolvimientu del sector audiovisual asturianu y favoreciendo la medría del turismu cinematográficu na rexón.
Por esti alcuerdu, el Conceyu va facilitar l'accesu a localizaciones públiques y va entainar, na midida de lo posible, la concesión de permisos de rodaxe. Coles mesmes, depués d'un estudiu particular de cada proyectu, va poder alcordase la non suxeción de tases pola ocupación de vía pública, d'alcuerdu colo dispuestu nes correspondientes ordenances fiscales municipales, cuando se cumplan los requisitos de promoción esterior del conceyu, repercusiones económiques, o circunstancies asemeyaes.