María Latores ye la ganadora del III Concursu de Microrrellatos de la FSA

La Voz OVIEDO

CON C DE CIENCIA Y CULTURA

Deliberación del III Concursu de Microrrellatos de la FSA
Deliberación del III Concursu de Microrrellatos de la FSA FSA

El segundu premiu foi pa Fernando Prendes y el terceru a Víctor Suárez.

08 oct 2020 . Actualizado a las 10:17 h.

María Latores ye la ganadora del III Concursu de Microrrellatos de la Selmana de les Lletres qu'entama la FSA. El segundu premiu foi pa Fernando Prendes y el terceru a Víctor Suárez.

Los tres primeros van recibir un llote de llibros y un diploma y el restu, un detalle y un diploma. Los dos primeros presentaron obres n'asturianu y el terceru en gallego-asturianu.

Trátase del tercer Concursu de Microrrellatos en Twitter 'Selmana Lletres FSA' convocáu pola Secretaría d'Educación, Universidá y Normalización Llíngüística de la FSA-PSOE coincidiendo cola celebración de la XLI edición de la Selmana de les Lletres Asturianes.

El xuráu taba compuestu pol director xeneral de Política Llingüística, Antón García; la escritora y editora, Ester Prieto; la presidenta de los Escritores d'Asturies, Ester García; l'escritor Inaciu Galán, y la secretaria d'Educación, Universidá y Normalización Llingüística de la FSA, Marilluz Pontón. A la convocatoria presentáronse 72 obres.