Higiénico Papel gana'l Premiu Nel Amaro de teatru n'asturianu y gallego-asturianu
CON C DE CIENCIA Y CULTURA
La compañía foi gallardonada pola obra «El viaxe de Covaletti»
28 oct 2020 . Actualizado a las 11:31 h.Higiénico Papel ganó la cuarta edición del Premiu Nel Amaro de Teatru Profesional en llingua asturiana y gallego-asturianu, que concede la Conseyería de Cultura, Política Llingüística y Turismu del Gobiernu asturianu y ta dotáu con 6.000 euros. La compañía foi gallardonada pola obra «El viaxe de Covaletti».
El xuráu encargáu de valorar les obres finalistes, qu'aconceyó ayeri baxu la presidencia d'Irene Arce, xefa de serviciu de la Dirección Xeneral de Política Llingüística, tuvo integráu por María Cotiello, actriz y filóloga, Pilar Fernández, escritora y filóloga; Mar Tostara, filóloga y profesora, Chechu García, escritor y profesor, y Eva Vallines, actriz y crítica teatral. Actuó como secretaria Juncal García, tamién xefa de serviciu de la Dirección Xeneral de Política Llingüística.
El xuráu decidió conceder el premiu a «El viaxe de Covaletti» pola capacidá actoral que muestra pa crear mundos ficcionales a los que tresporta al espectador, con una «caracterización mínima». Nel acta del gallardón se destaca tamién que la obra pon en valor «la humanización de la llectura lliteraria entendida como soporte a les persones en tiempos de soledá, al igual qu'asocede en tiempos d'andnciu».
«El viaxe de Covaletti», obra de Laura Iglesia, impúnxose a los otros trés espectáculos escoyíos como finalistes del IV Festival Nel Amaro y que se representaron a lo llargo d'esti mes nel Teatru Filarmónica d'Uviéu, informa Europa Press.