La Estaya de la Llingua propón trés obres de teatru familiar al traviés de plataforma online
CON C DE CIENCIA Y CULTURA
La primera va ser la obra de teatru familiar «Les madreñes vacíes», de Carlos Alba
29 oct 2020 . Actualizado a las 11:14 h.La Estaya de la Llingua de la conceyalía de Cultura d'Avilés entama un cursu más el ciclu d'actividaes n'asturianu «La Reciella de la Factoría» con trés propuestes escéniques online. La primera va ser la obra de teatru familiar «Les madreñes vacíes», de Carlos Alba, esti vienres a les 19.00 hores, según confirmó'l consistoriu avilesín.
La decisión d'ufiertales namás de forma telemática tomóse poles normes de seguridá y protección sanitaria frente al Covid-19, qu'amenorguen l'aforu del Espaciu Escénicu de la Factoría a tan solo 20 persones.
La cuentacuentos Ana Morán va tomar el relevu'l vienres 20 de payares, y va llevar hasta les cases les sos «Cachivaches» a partir de les 19.00 hores. Y tamién un percorríu al traviés de distintos países y cultures ye lo que propón la compañía Higiénico Papel Teatro con «El viaxe de Covaletti», el vienres 11 d'avientu a les 19.00 hores, informa europa Press.
Toes estes actividaes familiares van poder siguise al traviés de la páxina web de la Estaya de la Llingua d'Avilés; la del Conceyu, amás de les redes sociales municipales, y na plataforma asturiana de streaming Playpresta.