Sidoro Villa gana'l premiu Xosefa Xovellanos de Novela en llingua asturiana cola obra «El fervinchu»

La Voz REDACCIÓN

CON C DE CIENCIA Y CULTURA

Editoriales en asturiano reivindican una política más flexible de ayudas públicas y visibilidad en las bibliotecas
Editoriales en asturiano reivindican una política más flexible de ayudas públicas y visibilidad en las bibliotecas Ediciones Trabe

El gallardón, convocáu pol Gobiernu d' Asturies, tien una dotación de 5.000 euros

12 nov 2020 . Actualizado a las 12:14 h.

La obra «El fervinchu», del escritor Sidoro Villa (Lieres, 1962) foi la ganadora de la cuarentena primer edición del premiu Xosefa Xovellanos de Novela en llingua asturiana. El gallardón, convocáu pol Gobiernu d' Asturies, tien una dotación de 5.000 euros.

El xuráu encargáu de valorar les obres, reuníu baxo la presidencia del director xeneral de Política Llingüística, Antón García Fernández, tuvo formáu pola promotora cultural Natalia González, el profesor Marcos Martínez, les escritores Marta Mori y Paula Pulgar, y el ganador de la edición anterior, Francisco Álvarez González. Actuó como secretaria Lourdes Álvarez, filóloga de la Dirección Xeneral de Política Llingüística.

El xuráu quixo valorar bien positivamente'l númberu d'obres presentaes, doce, y sobremanera el «nivel escelente» de munches d'elles. L'acta esplica que la trama de «El fervinchu» «xira alredor de los llazos familiares y la so perduración nel tiempu, enantes y depués de la muerte, nun contestu rural que termina'l so ciclu».