Naz l'Archivu de la Música Contemporánea Asturiana, centráu na escena sonora dende'l Surdimientu hasta güei

La base sobre la que naz l'AMCA ye la colección privada del músicu y productor discográficu Xune Elipe

Llan de Cubel
Llan de Cubel

Oviedo

L'Archivu de la Música Contemporánea Asturiana (AMCA) va ser una realidá d'equí a poco gracies a la collaboración de dos empreses del país centraes na producción cultural y con especial atención al aspectu musical: Goxe Producciones y Mecigaya Creativa.

L'AMCA principia'l so caleyar al traviés de la páxina web www.musicasturiana.com, como ún de los apartaos más relevantes de la mesma. L'oxetivu d'esti archivu virtual ye especializase na música d'espresión asturiana que se produz a partir del Surdimientu. «Nesti sen, preténdese estudiar y reflexonar sobre los movimientos y escenes sonores qu'apaecen a lo llargo de les últimes cinco décades», indicaron dende Goxe.

La base sobre la que naz l'AMCA ye la colección privada del músicu y productor discográficu, amás de director del Anuariu de la Música Asturiana, Xune Elipe, que nesti momentu ta en procesu de clasificación y catalogación, pero va dir aumentándose coles aportaciones de distintos particulares, colectivos y entidaes. El primer material que va asoleyar l'AMCA ye'l conciertu entamáu nel Teatru Campoamor d'Uviéu'l 24 de payares del 2004, pol XXX Aniversariu de Conceyu Bable, nel que s'axuntaron depués de tiempu abondo dellos de los más importantes protagonistes del Nuevu Canciu y que nunca viere la lluz.

L'AMCA quier ser una ferramienta amañosa pa toes aquelles persones interesaes na música asturiana contemporánea, poniendo a la so disposición llibremente tolos elementos que lu conformen.

Conoce nuestra newsletter

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Comentarios

Naz l'Archivu de la Música Contemporánea Asturiana, centráu na escena sonora dende'l Surdimientu hasta güei

Cola ayuda de