Musicasturiana.com va convertise na mayor web de música asturiana y llanza una campaña d'apoyu

Musicasturiana.com, la primer tienda online y distribuidora dixital dedicada namás a la música d'espresión asturiana, va dar esta primavera un pasu más llanzando una web nueva cola qu'amplía'l proyectu.

La tienda online remocicada que tien más de 320 artículos a la venta y nes selmanes próximes va ser tamién un mediu de comunicación dedicáu a la música del país, va acoyer l'Archivu de la Música Contemporánea Asturiana.

Pa poder desendolcar too esto, dende la páxina web punxeron en marcha la campaña de micromecenazgu «Esto nun ye un Crowfunding, equí pasamos el cepillu», p'apoyar el proyectu y tener asina accesu a conteníos esclusivos, informa Europa Press.

---

---