La Xunta aprueba por unanimidá la Llei nueva del Real Institutu d'Estudios Asturianos
CON C DE CIENCIA Y CULTURA
Clarifíquense les competencies y funciones de los distintos órganos y desaníciase el requisitu de tener menos de 75 años pa poder ser miembru de númberu de la institución
29 jun 2022 . Actualizado a las 17:44 h.El plenu de la Xunta Xeneral aprobó esti miércoles por unanimidá'l dictame de la Comisión de Cultura, Política Llingüística y Turismu sobre'l Proyectu de Llei del Principáu d'Asturies del Real Institutu d'Estudios Asturianos (Ridea).
La conseyera de Cultura, Política Llinguística y Turismu, Berta Piñán, encargóse de defender el testu, destacando la collaboración de los grupos parllamentarios y del equipu directivu del Ridea p'actualizar el so soporte llegal y afacelo al sieglu XXI, favoreciendo la so apertura a la sociedá asturiana.
Ente les principales novedaes, clarifíquense les competencies y funciones de los distintos órganos y desaníciase el requisitu de tener menos de 75 años pa poder ser miembru de númberu de la institución.
Amás, la conseyera destacó la disposición transitoria de la llei que de manera específica recueye les cuestiones rellatives a la composición paritaria de los órganos del Ridea.
Establezse que nel plazu de 5 años a partir de la so publicación, la xunta permanente de la institución va proponer al conseyu xeneral la provisión de places nueves de miembros atendiendo a criterios de paridá. Esi mesmu criteriu va atendese pa cubrir les vacantes que puedan producidr nos distintos órganos representativos de la institución.