Amancio Prada va llevar la canción espiritual de San Xuan de la Cruz a la Basílica de Cuadonga
CON C DE CIENCIA Y CULTURA
El conciertu abre l'axenda musical de les celebraciones polos 1.300 años de la batalla
01 jul 2022 . Actualizado a las 10:47 h.La Basílica de Cuadonga va acoyer el xueves, 7 de xunetu, un conciertu d'Amancio Prada, que va interpretar la versión pa voz, guitarra, violín y violonchelu del cantar espiritual de San Xuan de la Cruz.
Trátase de la primer cita musical dientro de la programación que la Conseyería de Cultura, Política Llingüística y Turismu preparó pa conmemorar los 1.300 años de la batalla de Cuadonga. L'accesu va ser de baldre.
El recital propón un aproximamientu a ún de los clásicos del cantautor llionés, que presentó la so primer versión de la obra de San Xuan de la Cruz en París en 1973. A lo llargo d'esti cuasi mediu sieglu, Amancio Prada interpretó versiones del cantar en dellos formatos per escenarios de mediu mundu.
El conciertu d'Amancio Prada abre l'axenda musical de les celebraciones polos 1.300 años de la batalla, que va incluyir tamién actuaciones de la Orquesta Sinfónica del Principáu d'Asturies y del tenor Joaquín Pixán, ente otros.