«Les Amigues Caparines» gana'l Festival de Murgues, Charangues y Fanfarries del Antroxu 2026 n'Avilés

L'agrupación «Les Amígues Caparines» resultó ganadora de los Premios del Antroxu 2026 n'Avilés, na so modalidá Festival de Murgues, Charangues y Fanfarries. Nesta edición, el Festival volvió al so allugamientu orixinal, nel escenariu de la plaza d'España.

En total, apurriéronse 1.400 euros en premios. «Les Amígues Caparines», con 244 puntos, recibieron 600 euros; «Los Pingos Antroxaos», con 230 puntos recibieron 400; y «Las mil y una Viudis», con 229 puntos, perciben 300 euros. Finalmente, el cuartu premiu, de 100 euros, recayó na agrupación «Los Chigres del Norte», con 228 puntos.

Nel festival participaron ocho charangues, que tuvieron qu'interpretar dos pieces con lletra propia y con una duración máxima total hasta diez minutos. Participaron «La Orquestina La Pecera», «Les Amígues Caparines», «Los Pingos Antroxaos», «Los Arrexuntaos», «Los Chigres del Norte», «La Hermandad», «La Reciella Repunante», «Las Mil y Una Viudis», informa Europa Press.

---

---