Al traviés del empréstamu de llibros, el profesoráu va escoyer los títulos que más-y presten pa trabayar col so alumnáu
26 oct 2019 . Actualizado a las 05:00 h.Comienza la tercer edición del Club de Llectura n'asturianu y gallego-asturianu, qu'esti cursu incorpora dalgunos títulos nuevos. Esta iniciativa de la Dirección Xeneral de Política Llingüística «ufierta a los escolinos matriculaos en Llingua Asturiana y Lliteratura o en Gallego-Asturianu la posibilidá de lleer y compartir la esperiencia de la llectura de llibros nestes llingües». L'alumnáu de Primaria y lo de Secundaria y Bachilleratu van poder participar nel Club de Llectura cola ayuda de la Dirección Xeneral, que va emprestar los llibros pa lleer y poder facer actividaes rellacionaes cola llectura. Caún de los centros, coordinaos pol profesoráu de l'asignatura, pue solicitar exemplares pa trabayar nel aula.
El club de llectura ye una rede de llectores que van compartir la so esperiencia llectora n'asturianu y gallego-asturianu. La Dirección Xeneral de Política Llingüística pon en marcha esti club pa ufiertar a los centros educativos una retafila de títulos de toa mena dirixíos a públicu variao. Al traviés del empréstamu de llibros, el profesoráu va escoyer los títulos que más-y presten pa trabayar col so alumnáu y poder desenvolver xeres y actividades sobre caún de los títulos.
Los llibros tán ordenaos alfabéticamente, pero nun tán estremaos por edaes. L'adaptación de les llectures a los intereses y al nivel llingüísticu del alumnáu va facela'l profesoráu, d'alcuerdu col so criteriu. El profesorado va poder solicitar tantos llibros del mesmu títulu como númberu máximu d'ellos haya na ufierta. Si nun hai exemplares abondos pa tolos escolinos, habrá pensar en compartir llibru pa cada. Van dexase n'empréstamu un mes y mediu, plazu que se podrá ampliar si se fai la petición primero de qu'acabe l'empréstamu.