Pel momentu les pruebes dependen de la evolución de la situación pola crisis sanitaria xenerada pol coronavirus
13 mar 2020 . Actualizado a las 19:16 h.Les 500 personas que tienen plaza pa participar nes primeres pruebes de certificación de llingua asturiana van poder abonar les tases del exame de manera telemática al traviés d'Internet, anque pel momentu les pruebes dependen de la evolución de la situación pola crisis sanitaria xenerada pol coronavirus.
Esti 2020 ye la primer vez que s'entamen estes pruebes. El Principáu decidió principiar col nivel intermediu B2 y acutar un máximu de 500 places pal exame, que se va celebrar a finales de mayu n'Uviéu.
Pa facer les pruebes, a les que nun primer momentu s'inscribieron 782 personas, los almitios puen pagar les tases dende esti 12 de marzu hasta'l día 23 d'esti mesmu mes, anque va poder facese al traviés d'Internet.
Los exercicios de los cinco partes que componen la prueba de certificación de llingua asturiana van realizase a partir del 21 de mayu. Les sedes pa la realización son la Facultá de Formación del Profesoráu y Educación y el IES Aramo n'Uviéu.
Pel momentu, la Conseyería d'Educación suspendió otres pruebes d'idiomes que diben celebrase de manera inmediata. Nesi sentíu, pa les futures tán a la espera de la evolución de la sitación xenerada pol andanciu de coronavirus, indicaron fontes d'Educación a Europa Press.