El Principáu ve necesario «trabayar na aplicación» de la eliminación de los exámenes de recuperación de la ESO
ESCOLINOS
La Conseyería d'Educación ta valorando la moratoria anunciada pola ministra
28 sep 2021 . Actualizado a las 14:20 h.La Conseyería d'Educación ta valorando la moratoria anunciada pola ministra pa la eliminación de les pruebes estraordinaries de la ESO. Sicasí, considera que ye necesario dir trabayando na aplicación de la norma.
Asina lo confirmaron fontes d'Educación a Europa Press depués de que la ministra d'Educación, Pilar Alegría, avanzara que, magar la decisión de desaniciar estos exámenes de la ESO, va establecer una moratoria pa que les autonomíes qu'asina lo quieran caltengan les recuperaciones esti cursu.
Nel casu d'Asturies, según Educación, la clave ta «en centrase na evaluación continua y por competencies y nel importante papel que xueguen los equipos docentes y les sos decisiones compartíes».
Asina, nestos momentos, la Dirección Xeneral d'Ordenación, Evaluación y Equidá Educativa ta trabayando na resolución nueva d'evaluación, d'alcuerdu a la LOMLOE, pa que tea llista dientro del primer trimestre, informa Europa Press.