El domingu ye pa los sidros en Valdesoto

Les «mazcaraes d'inviernu» van incluir una obra de teatru infantil y d'otra representada por adultos

Sidros en Valdesoto
Sidros en Valdesoto

Redaccion

Esti domingu, 7 de xineru de 2018, a les 12.30 hores, Valdesoto, en Siero, acueye'l so tradicional «Domingu de Sidros y Comedies». Esta tradición, enmarcada dientro de les «mazcaraes d'iviernu» que se recuperaron depués de décades en delles zones d'Asturies, va incluir la representación d'una obra de teatru infantil y d'otra representada por adultos.

La obra de los Escolinos de Fayes lleva por títulu «La Cosa ta Caliente», escrita por Manuel Pergentino Martínez, y la de los adultos de «El Cencerru», ta escrita por José Ramón Oliva y lleva por títulu «Independencia de Comedia».

Esta tradición recuperóse nel añu 2004, gracies al enfotu d'un grupu de mozos de la parroquia de Valdesoto, qu'axuntaron alredor de l'Asociación pola recuperación de los Sidros y les Comedies «El Cencerru». Dende esi momentu, el so propósitu foi caltener esti vezu, una de les tradiciones más vistoses d'Asturies.

Valora este artículo

1 votos
Comentarios

El domingu ye pa los sidros en Valdesoto