Ana Cano recuerda que'l Día de Les Lletres fairáse gracies al Conceyu d'Uviéu

Europa Press REDACCIÓN

CULTURA

Academia de la Llingua
Academia de la Llingua

La presidenta de la ALLA reclama los retrasos de los pagos presupuestarios del Principau y pide a Javier Fernández que acuda a la ceremonia del vienres nel Campoamor

03 may 2017 . Actualizado a las 17:57 h.

La presidenta de l'Academia de la Llingua Asturiana, Ana Cano, recordó esti miércoles que la edición 2017 del Día de Les Lletres Asturianes, que se desarrollará'l próximu viernes, será posible gracies al Conveniu de Collaboración que la Institución tien robláu col Conceyu d'Uviéu, ante'l retrasu de los pagos presupuestarios del Executivu autonómicu.

Na rueda de prensa convocada pa presentar el medallón y el llibru especial que se-y entregará a Xuan Bello, como ganador del Primer Premiu Nacional de Lliteratura Asturiana, Cano espresó tamién la so confianza en que'l presidente del Principáu, Javier Fernández, acuda esti añu a la ceremonia del Teatru Campoamor.

«Too esto pue facese gracies al Conceyu d'Uviéu y de nenguna manera gracies al Gobiernu del Principáu d'Asturies», comentó la presidenta de l'Academia. Referíase lo mesmo a la organización de la ceremonia del vienres, como a la publicación de la revista Lliteratura y a la ellaboración de los dos premios que s'entregarán a Bello.

De la mesma manera, señaló que'l Conveniu de Collaboración cola Conceyu y cola Universidá d'Uviéu posibiliten que se faigan actividaes los cursos de la Universidá Asturiana de Branu (Uabra) o les Xornaes d'Estudiu que tolos años se celebren na seronda.

Esplicó l'Academia vivió «una situación angustiosa, porque (el Gobiernu asturianu) quería tresformanos nuna sociedá privada, como cualquier asociación, y nosotros per eses nun pasamos».

«Queríen facer que la presidenta roblara los contratos d'arrendamientu coles pelayes (en referencia a les monxes del monesteriu nel que ta instalada la sede de l'Academia)», y que «en vez de recibir el presupuestu al través d'una tresferencia corriente, como siempre, que fuere una sovención como la que puen dar a una asociación». «Si nun momentu dau corten la sovención, ¿quién se fai cargu de los gastos?», preguntóse Cano.

Según la versión de la presidenta de l'Academia, «hasta'l vienres de la selmana pasada nun llogramos que s'ingresaren les perres de xineru, febreru y abril. Les persones que trabayen como alminsitrativos (los académicos nun cobren) pudieron cobrar xineru y febreru gracies al remanente, pero marzu nun lu cobraron». Amás, «el IRPF del primer trimestre tuvo que pagálu l'ayalgueru de l'Academia de la Llingua Asturiana. Nun había perres nin pa mandar los sellos», llamentó.

Sicasí, señaló que'l problema de momentu ta solucionao, y que l'Academia recibirá'l so presupuestu como una tresferencia corriente esti añu. Con vistes al futuru, el Gobiernu asturianu ta buscando la forma d'aprobar un decretu que reconoza a la institución como Institución Pública del Principáu d'Asturies.

Presidente nel Día de Les Lletres

Per otra parte, Cano mostró'l so deséu de que Javier Fernández acuda a la ceremonia del vienres. Yá lo ficiera una vez, pero como secretariu xeneral de la Federación Socialista Asturiana y non como máximu xefe del Gobiernu autonómicu.

Hasta agora namás un presidente del Principáu acudió, y foi Pedro Da Silva nos años ochenta. Pa Cano, el Día de les Lletres debería ser el principal festexu de los asturianos y debería ocupar el primer puestu nel orde del día del mandatariu rexonal.