Nel discu del grupu de folk l.lacianiegu se inclúin 11 temes y un bonus track con temes propios y reellaboraciones
25 feb 2018 . Actualizado a las 17:18 h.El grupu de folk l.lacianiegu D'urria acaba de publicar el so primer discu, tituláu «En Ca Pla», onde s'inclúin 11 temes y un bonus track con temes propios y reellaboraciones. El grupu ta formáu polos músicos Moises Suárez Méndez, Moi, y Jose Manuel Sabugo, Sabu.
Nel discu puen sentise temes cantaos en pal.luezu, nome que s'utiliza nesta zona llionesa pa nomar l'asturianu propiu d'esti territoriu, que ye'l mesmu qu'utilizen en Cangas, Somiedu o Degaña.
Editáu por Goxe Producciones y con diseñu de Ruma Barbero, en 'En Ca Pla' participen músicos asturianos como Muyeres, Xosé Antón Ambás, Pepín de Muñalén, Ruben Bada, Lluci G. Palomares o Sonia Tuya Baragaño, ente munchos.
El discu va presentase'l sábadu 3 de Marzu a les 19.30 na Casa de la Cultura de Villablino (L.laciana). Pa la ocasión, D'urria va cuntar con dellos collaboradores de luxu. Amás, nel conciercu va poder mercase'l discu, que tamién ta principiando a distribuise peles tiendes d'Asturies.