La revista «Lliteratura» cambia de formatu

La edición, a cargu de Marta Mori, que toma'l relevu de Xosé Bolado, presenta un cambiu de formatu y incorpora secciones nueves, ente les que destaca?l dossier sobre poesía última

Un momentu de la presentación del nuevu númberu de «Lliteratura»
Un momentu de la presentación del nuevu númberu de «Lliteratura»

Gijón

L’Academia de la Llingua presentó esta tarde’l númberu 34 de la revista Lliteratura, correspondiente al añu 2018, na Feria’l Llibru de Xixón. Nel actu, intervinieron los escritores Solinca Turbón, David Fernández, Inaciu Galán, Henrique Facuriella y Llucía Fernández Marqués, qu’ufrieron un recital poéticu a los asistentes.

La revista Lliteratura, qu’edita l’Academia de la Llingua col sofitu del Ayuntamientu d’Uviéu, vien publicando testos llíricos, narrativos y ensayísticos n’asturianu y en gallego-asturianu dende l’añu de la so apaición, en 1990. La presente edición, a cargu de Marta Mori, que toma’l relevu nesta xera del poeta y académicu Xosé Bolado, presenta un cambiu de formatu y incorpora secciones nueves, ente les que destaca’l dossier sobre 'La poesía última'. Nesti puen alcontrase collaboraciones de 17 poetes nacíos a partir de 1974.

Comentarios

La revista «Lliteratura» cambia de formatu