Considerarase con carácter de política transversal na execución do plan de inclusión, a igualdade de oportunidades entre homes e mulleres, tanto por tratarse dun eixo básico da Estratexia Europea para o Emprego no presente período de programación, como pola constatación do crecente fenómeno de feminización da pobreza. Dun xeito máis pormenorizado pódense incluír nas referidas categorías os seguintes grupos de potenciais beneficiarios do plan: perceptores da renda de integración social de Galicia, transeúntes e persoas sen fogar, persoas con discapacidade sen apoio social e con escasos recursos económicos, as mulleres con cargas familiares non compartidas ou problemas sociais aparellados, os mendigos, os inmigrantes, os emigrantes retornados, as minorías étnicas, ex reclusos etc.