Celtes a caballu

OPINIÓN

02 ago 2017 . Actualizado a las 05:00 h.

Una imaxe turística atemporal ye la carrera de caballos peles sableres costeres del occidente européu.

El caballu tien una llarga hestoria na cultura celta. El pueblu caballeru que s’espardió pel territorio indoeuropéu gracies a él. Inclusive foi una de les primeres deidaes celtes. Foron asociaos polos galos con dellos dioses y símbolu solar. Yera un animal perimportante y tres la so domesticación foi fonte de carne y lleche, amás de fuercia pa l’agricultura y el tresporte, usóse pa la caza y la guerra. Asina, el dios sol apaecía como un cabellu de rostro humanu.  Apaez venceyáu a les dioses guerreres como Epona, Rhiannon  en Gales, la má del caballu, favorita de los guerreros y única diosa celta adorada dientro de les llendes del Imperiu romanu. El dios pá Teutates apaez como un caballu con barbes. Y ún de los nomes del gran dios Dagda yera Eochaid, col significáu de caballu pá, signu de nobleza y fecundidá. La diosa Macha tenía’l don de camudar en trés formes, una d’elles de caballu. Habíalos que yeren fades n’Irlanda y Escocia, como Puka, qu’atrayía a los viaxeros gandíos a la muerte. Y otru yera’l caballu d’agua asociaú a un dios marín.

Nos ritos de los reis, sacrificábense caballos, símbolos sicopompos, qu’empobinaben el so futuru tránsitu al otru mundiu. Tamién ye la sida de qu’apaezan en dellos túmulos de la dómina xunta les sos armes. Y compañeru avezáu de los héroes d’epopeyes como Cuchulainn.

Tamién yera ún de los temes favoritos nes monedes celtes coles sos figures esenciales estilizaes. Amás de nes fíbules y diademes. Y en xeoglifos de grande tamañu. Inda güei queden ponis del tueru celta como l’asturcón, el faco gallegu, el highland y el shetland escoceses, el connemara irlandés o´l galés.