Unos cien años falten pa la igualdá ente homes y muyeres nel nuesu territoriu. Pero podemos entamar a pesllar la resquiebra per aciu'l llinguaxe y la coeducación. D'ello surdirá una mayor visibilidá de les muyeres. El pasu ye'l falar con un llinguaxe inclusivu.. En cuenta d'emplegar les teerminaciones os/es, puen emplegase xenéricos que nun marquen el xéneru. Por exemplu en compaña y non xuntos. L'usu de les llingües romániques pue evolucionar dende la so hestoria sexista. Asina col algame poles muyeres de nueves funciones surden nueves pallabres, como inxeniera o conseyera. El llinguaxe amuesa ideoloxía, amás, lo que nun se noma nun esiste. Hai que deprender el llinguaxe pa falar con conciencia. Pue dicise reciella y non neños, porque sinón les neñes nun se sentiríen representaes na fala. D'esti mou empobinaríemosnos a integrar a toles persones de la sociedá. Torgando asina que la tradición mal pescanciada caltenga nel diccionariu sexu feble énte sexu fuerte. Ello ye derivao de que la RAE nun fai pola igualdá, nel casu del castellanu. Como amuesa una hestoria na que malpenes hebo una decena de muyeres énte un millar d'homes. Nel llinguaxe alministrativu pue representar meyor a una muyer la pallabra xefa, presidenta, direutora o conceyala que non l'equivalente masculín, que foi usao pa dambos los dos sexos per sieglos.
Hai munches formes de torgar el tapecimientu femenín tres del masculín na representación simbólica del llinguaxe. Asina puen usase: coleutivos: l'alumnao, la mocedá, el personal. Astrautos: redaición, direición, Torgar l'usu de él, los encamentándose l'usu del quien. La tema que más anova esta visión son les profesiones. Nun hai de tener llercia n'emplegar la denomación femenina nes profesiones, mientres que les que valen pa los dos sexos pùen caltenese. Como exemplu tán médica, doctora, llicenciada, téunica especialista, graduada social, arquiteuta y taxista. Tamién l'emplegu non androcéntricu de pallabres pal conxuntu la sociedá, como xente, pueblu, grupu con enclín masculín mientres que puen usase pareya, persones y otres pa equilibrar l'enfoque. Ye más afayadizu l'emplegu de persones xubilaes o xente inmigrante que non los inmigrantes y les sos muyeres, porque la metada la población nun ye una minoría. Les rellaciones sociales de toa triba camuden y nun hai de contribuyir al caltenimientu de vieyos conceutos de dependencia de les muyeres.
Cada domina constrúi una valoración cultural na que s'afita l'estereotipu y el prexuiciu concretu. Poro la gueta del valir universal de lo socialmente femenín ye d'interés pa tola sociedá. Qu'elles seyan citaes no cincante a lo afeutivo, l'erotismu mientres qu'ellos s'averen a l'autoridá, l'actividá, la fuercia ye siguir estremando lo que la realidá diz. Somos diferentes pero podemos facer les mesmes coses. El llinguaxe apaez ente'l camientu y la realidá. Convién que seya igualitariu p'avanzar na non discriminación sexual, fonte d'un montonáu de males.