L'alderique de les llingües

OPINIÓN

 Varios cientos de personas han rodeado este jueves el parlamento asturiano en una convocatoria realizada por la plataforma ciudadana Xunta pola Defensa de la Llingua Asturiana (XDLA) para reclamar la oficiliadad
Varios cientos de personas han rodeado este jueves el parlamento asturiano en una convocatoria realizada por la plataforma ciudadana Xunta pola Defensa de la Llingua Asturiana (XDLA) para reclamar la oficiliadad ELOY ALONSO

03 may 2022 . Actualizado a las 22:27 h.

Dende l'entamu de la presente Constitución española, nun se fizo un repartu xustu de les autonomíes hestóriques, nin siquier de les llingües oficiales. D'esta miente, incluyóse Andalucía ente les comunidaes hestóriques, de les que separtóse Asturies, la más hestórica de toes, xusto tres del intentu de güelpe d'estáu del 23-F. Y retayando del proyeutu d'Estatutu aprobáu n'Asturies nel so pasu per Madrid al asturianu como «llingua específica d'Asturies». Al empar, diose cooficialidá al gallegu, vascu y catalán, como heriedu de la llegalidá republicana, escluindo al asturianu, cuyu proyeutu autonómicu nun llegó a votase pola guerra civil.

Tres 40 años del Estatutu d'Autonomía entá nun se punxo al idioma propiu como cooficial na nuesa comunidá autónoma, como diz l'artículu 3.2 de la Constitución. Anque nesta llexislatura se diera un cambéu nel partíu nel gobiernu pa facelo asina.

Dende otros llugares ya instancies siguióse na so particular batalla políticollingüística escontra tolo que nun seya una supuesta xunidá d'España basada nel idioma castellanu y nel amenorgamientu de les competencies cincantes a les llingües oficiales y la represión escontra les qu'entá nun lo son, pero aspiren a selo: l'asturianu y l'aragonés.