El territoriu de la XE tiene una bayura de fasteres naturales y seminaturales resultáu de la variedá de climes, suelos, relieves y actividades humanes. Por embargu, tán amenazaes por estes caberes provocando la perda y frayamientu de los medios naturales.
Esta Rede ye un conveniu cincante a la conservación y caltenimientu de la vida xabaz y del mediu natural n’Europa. Foi aprobáu en Berna (Suiza) en 1979. Refierse cimeramente a les aves pero per estensión, tamién a los so hábitats y espacios naturales. Ye una ferramienta estratéxica pal caltenimientu la biodiversidá. Diseñáu con criterios científicos y oxetivos comunes a toa Europa ye d’obligáu cumplimientu y afítase na corresponsabilidá de les comunidaes autónomes.
N’Asturies cunta con 13 Zones d’Especial Proteición pa les Aves (ZEPA) que faen el 21,2% del territoriu y 49 Zones d’Especial Conservación (ZEC) que suponen la mayor parte de la Rede d’Espacios Naturales Protexíos d’Asturies, y 17 calces fluviales.
Les declaraciones viose col tiempu que son ferramientes imprescindibles pal caltenimientu de los espacios. D’otra miente, la Zona d’Especial Proteición de La Carbayera d’El Tragamón, nel conceyu Xixón, allúgase arrodiada pel sur pola construcción una fastera d’unes 70 viviendes nueves colos sos complementos d’urbanización, qu’aisllen esti espaciu natural, connvirtiéndolo nuna especie de parque urbanu. Ye una derivada peligrosa.
D’otra banda nun concasa la fastera protexida cola política de plantación d’ocalitos na faza costera, pola mor del espardimientu industrial madereru que vien del noroeste peninsular.
Asturies nun pue permitise dexar pasu al turismu masivu que desanicia la bayura de fauna y flora que rescampla inda a nivel européu.
La Rede Natura 2000 sigue vixente magar que fai falta actualizala y ameyorar la proteición de les especies amenazaes.
Porque como afita’l dichu popular: «Too y bien, nun hai quien».