L'horariu de la Feria ye'l sábadu de 12.00 a 22.00 hores y el domingu de 11.00 a 19.00 hores
03 may 2019 . Actualizado a las 17:23 h.La Plaza de Trescorrales, n'Uviéu, va acoyer esti sábadu 4 y el domingu 5 de mayu la VII Feria del Llibru y Discu n'asturianu, con presentaciones de llibros, conciertos, actividaes infantiles y talleres lliterarios.
La Feria va inaugurase esti sábadu a les 12.00 hores con una mesa redonda sobre la música n'asturianu. Moderada por Inaciu Llope, van participar los músicos Xune Elipe, Llorián García, Ismael Arias, Andrea Joglar y Xosé Fernández Ambás, informa Europa Press.
Per otru llau, el sábadu tamién van presentase los llibros 'Allumamientu', de Pablo Texón --Premiu Xuan María Acebal de Poesía-- (17.00 hores); 'El visitante impropiu', de Manuel García --Premiu Xosefa Xovellanos-- (17.30); y la traducción al asturianu de 'Mecanoscritu del segundu orixe', de Manuel de Pedrolo (19.00).
Otra manera, van actuar Pop Piquiñín (13.30 hores) y Xaime Martínez (20.00), amás de qu'a les 18.00 hores va facese un taller infantil de xuegos tradicionales.
Yá'l domingu, a les 11.30 hores va presentase la revista 'Cultures', editada pola Academia de la Llingua', y a les 12.30 hores va facese otru taller de xuegos tradicionales. Pela tarde, a les 17.00 hores va haber una sesión de cuentacuentos y a les 18.00 va presentase'l cómic 'Los llazos coloraos', d'Alberto Vázquez --Premiu Alfonso Iglesias--.
L'horariu de la Feria ye'l sábadu de 12.00 a 22.00 hores y el domingu de 11.00 a 19.00 hores. Los dos díes, cola compra de llibros o discos va regalase'l doble CD '40 años al son de la nuestra música'.