La portavoz nel Conceyu d'Uviéu, Cristina Coto, diz que «desque la llei de Memoria Histórica entró a valir, los actos fundaos na mesma namás valieron pa provocar griesques ente los españoles»
26 oct 2019 . Actualizado a las 17:31 h.La portavoz de Vox nel Conceyu d'Uviéu, Cristina Coto, rexistró esti vienres una moción na que Vox propón crear n'Uviéu un monumentu, cai o plaza dedicáu a la reconciliación nacional y, igualmente, la creación de dalgún monumentu, plaza o cai a la hispanidá.
Coto esplica que, dende Vox, abogen «pola reconciliación de tolos españoles y pol respetu a la llibertá y a la historia d'España, pues l'auténtica memoria histórica val p'alvertinos y evitar que caigamos en erros vieyos».
Nel escritu presentáu nel Conceyu d'Uviéu, Cristina Coto reflexa que «desque la llei de Memoria Histórica entró a valir, los actos fundaos na mesma namás valieron pa provocar griesques ente los españoles, dixebrar ciudadanos de primera y de segunda, promover la censura y llindar la llibertá d'espresión», motivu pol que, ente otres coses, «venimos denunciar que crear una verdá oficial llévanos a un poder totalitariu en que la disidencia nun ye un derechu sinón causa de persecución política, personal o profesional», alvierte, según informó Europa Press.