El director xeneral de Política Llingüística, Antón García fixo especial referencia a la necesidá de que l'alministración central faiga usu de la toponimia oficializada
02 jul 2020 . Actualizado a las 10:53 h.El Gobiernu del Principáu reclamó esti xueves al Gobiernu central la incorporación d'Asturies al Conseyu de Llingües Oficiales, órganu que vela pol usu de los idiomes del Estáu diferentes del castellanu na alministración pública el Estáu.
El director xeneral de Política Llingüística, Antón García, aconceyó esti miércoles per videoconferencia cola subdirectora xeneral de Cooperación Autonómica, Violeta Tomás, y con Ana María de la Fuente, de la Oficina de les Llingües Oficiales del Ministeriu de Política Territorial y Función Pública.
Nel alcuentru, Antón García espunxo los avances realizaos en materia de política llingüística na nuestra comunidá y espresó la necesidá d'incorporar a Asturies a les xuntes del Conseyu de Llingües Cooficiales y a cuantes actividaes promueva esti organismu.
Ente otres cuestiones, el director de Política Llingüística fixo especial referencia a la necesidá de que l'alministración central faiga usu de la toponimia oficializada.
El Conseyu de les Llingües Oficiales na Alministración Xeneral del Estáu depende del Ministeriu de Política Territorial y Función Pública ye l'órganu colexáu d'análisis, impulsu y coordinación técnica del Estáu pa llograr un cumplimientu meyor de los derechos ciudadanos pola existencia de delles llingües oficiales; informó Europa Press.
