Asturies ye la segunda comunidá con perda mayor de población nel primer semestre de 2020

La Voz UVIÉU

AGORA

Imagen de archivo de Cangas del Narcea
Imagen de archivo de Cangas del Narcea

El Principáu pasó de tener el 1 de xineru de 2020 un total de 1.018.899 habitantes a 1.015.425 ciudadanos a 1 de xunetu del añu pasáu

28 ene 2021 . Actualizado a las 17:50 h.

El Principáu d'Asturies ye la segunda comunidá autónoma, depués de Castiella y Llión (-0,42%), con perda mayor de población nel primer semestre de 2020, al rexistrar 3.474 habitantes menos, que suponen un -0,34% menos de población según los datos publicaos esti xueves pol Institutu Nacional d'Estadística (INE).

En concreto, Asturies pasó de tener el 1 de xineru de 2020 un total de 1.018.899 habitantes a 1.015.425 ciudadanos a 1 de xunetu del añu pasáu. El saldu vexetativu foi de -4.842 habitantes nel primer semestre, mentes qu'hubo un saldu migratoriu esterior positivu de 1.352 habitantes y un saldu migratoriu interior positivu de 37 habitantes.

Nel conxuntu d'España, la población aumentó en 18.953 persones na primer metá de 2020 y asitióse en 47.351.567 habitantes a 1 de xunetu del añu pasáu. Trátase de «valor máximu de la serie histórica».