«Ye una satisfacción inmensa», diz Sonia Tuya del homenaxe póstumu al so fíu Ígor Medio, na Selmana de les Lletres

La Voz REDACCIÓN

AGORA

Sonia Tuya, la madre del músico y dibujante asturiano Ígor Medio --fallecido en 2006--, antes de participar en la 43 Selmanda de les Lletres Asturianes, donde rinden homenaje póstumo a su hijo, en el paraninfo de Laboral Ciudad de la Cultura, en Gijón
Sonia Tuya, la madre del músico y dibujante asturiano Ígor Medio --fallecido en 2006--, antes de participar en la 43 Selmanda de les Lletres Asturianes, donde rinden homenaje póstumo a su hijo, en el paraninfo de Laboral Ciudad de la Cultura, en Gijón

Del so fíu resaltó que reivindicó la manera de ser de los asturianos, amás de que la cultura ye de toos y non namás de los que puen pagala

04 may 2022 . Actualizado a las 12:35 h.

La madre del músicu y dibuxante asturianu Ígor Medio, Sonia Tuya, mostróse esti llunes emocionada de que se-y rinda homenaxe póstumu al so fíu, fináu en 2006 nun accidente de tráficu, cola celebración de la 43 Selmana de les Lletres Asturianes.

Asina lo indicó, en declaraciones a los medios de comunicación enantes de la inauguración d'esti eventu nel paraninfu de Llaboral Ciudá de la Cultura, a los que tamién confesó que se siente «angustiada» no que supón que se trata d'un homenaxe póstumu.

«Ye una satisfacción inmensa que los neños conozan quien foi Ígor», apuntó sobre que se tea recordando la trayectoria del so fíu, como lo prueba un certame escolar nel que se presentaron 700 trabayos sobre la obra del so fíu.

Del so fíu, precisamente, destacó que «lluchó por facer que la so llingua llegara a toos». Amás, d'él resaltó que reivindicó la manera de ser de los asturianos, amás de que la cultura ye de toos y non namás de los que puen pagala.

Ígor Medio

El dibuxante, guionista de cómic y músicu Ígor Medio (1972-2006) realizó cola so obra estensa una contribución esencial al cómic n'Asturies, creando mundos que tovía perviven nel imaxinariu colectivu, ente los que destaca la familia Castañón, protagonista d'una tira que se publicó ente 1997 y 2005 nel suplementu de branu del diariu La Nueva España.

Collaborador en fanzines y revistes como El Llapiceru, El Wendigo o Esquit y corresponsable de cómics de sonadía como Love Gun, en 1991 Ígor Medio fundó xunto al percusionista y compañeru d'estudios Ruma Barbero'l grupu de folk Felpeyu, que col tiempu convertióse nun referente de la música asturiana.

Medio desenvolvió tamién un trabayu intensu como productor de discos d'artistes y grupos asturianos como Flavio Rodríguez, Gatos del Fornu o Tejedor. En 2003 punxo en marcha'l sellu editorial Tierra, nel qu'apaecería'l so llibru recopilatorio de la familia Castañón, Too Castañón.