El Principáu pon en marcha la campaña de promoción pa la matriculación en llingua asturiana y gallego-asturianu

E.G.B. UVIÉU

AGORA

Primer día de clase de los alumnos del colegio Germán Fernández Ramos de Oviedo
Primer día de clase de los alumnos del colegio Germán Fernández Ramos de Oviedo Alberto Morante

La conseyería d'Educación va abrir los plazos de solicitú dende'l 24 d'abril hasta'l 5 de mayu próximu y yá unvió'l correspondiente boletín informativu a les direcciones de los centros

04 abr 2023 . Actualizado a las 12:31 h.

La Conseyería de Cultura, Política Llingüística y Turismu punxo en marcha la campaña de promoción pa la matriculación del alumnáu de Primaria y Secundaria en llingua asturiana o gallego-asturianu de cara al cursu escolar viniente.

La conseyería d'Educación va abrir los plazos de solicitú dende'l 24 d'abril hasta'l 5 de mayu próximu y yá unvió'l correspondiente boletín informativu a les direcciones de los centros. Depués, los alumnos y alumnes de Primaria van tener que formalizar la matrícula del 20 al 27 de xunu, y los de Secundaria y Bachilleratu del 3 al 14 de xunetu.

Col títulu 'Nun ye días máis voltas/Nun-y deas más vueltes', la campaña incide en que la conocencia de les llingües propies d'Asturies ye un derechu del alumnáu qu'amás tien munches ventayes pal so desenvolvimientu personal y académicu, dende la meyora na competencia comunicativa hasta una autoestima mayor, amás del fomentu de la sensibilidá escontra la diversidá cultural.

Los spots y cuñes de la campaña, que van emitise na RTPA y divulgase en redes sociales, recueyen testimonios personales del alumnáu, les families y los docentes de llingua asturiana y eonaviegu. Amás, la Dirección Xeneral de Política Llingüística empecipió yá'l repartu de los dípticos y cartelos informativos na rede de centros educativos.