Ye una novela negra na que'l teniente Corripio investiga l'espantosu asesinatu d'una familia d'entomólogos alemanes que se movíen per Asturies
13 may 2025 . Actualizado a las 17:54 h.Ta acabante llegar a les llibreríes «Dípteros», l’últimu llibru de Sidoro Villa Costales, editáu por Impronta. Ye una novela negra na que’l teniente Corripio investiga l’espantosu asesinatu d’una familia d’entomólogos alemanes que se movíen per Asturies cuando la pandemia.
La editorial afirma que l’acertáu manexu de la trama y la riqueza de les descripciones, tanto de la naturaleza como de los vezos de la sociedá onde trescurre, arriquecen les pesquises del protagonista, yá conocíu polos llectores del autor de Lieres de magar la publicación de «Pielgos de llercia», la so anterior novela de xéneru.
Villa Costales, acreitáu como autor de lliteratura infantil, enfotóse nos últimos años na novelística p’adultos, con reconocimientu de los llectores y la crítica lliterario. Nel añu 2020 algamó’l premiu Xosefa Xovellanos de novela por “El fervinchu”.
«Dípteros» y el so autor van tar na próxima feria del llibru de Xixón y, darréu d’ello, la novela ha presentase en feches y ámbitos tovía ensin concretar.