La cita naz con calter itinerante y va percorrer Asturies en próximes ediciones, pa convertir pequeñes localidaes n'espacios d'alcuentru, cultura, música y tradición
11 ago 2025 . Actualizado a las 12:59 h.Castropol va convertise'l 13 y 14 de setiembre en sede de la primer edición del festival El Pueblo, un eventu cultural y musical «itinerante», que naz pa fortalecer l'arguyu de pertenencia rural, al empar que se revitaliza la vida d'estes zones y xenérase un impactu positivu na imaxe y na economía local de los llugares nos que se celebre.
La primer edición, que se celebra en plena Reserva de la Biosfera Oscos, Eo y Terras de Burón, va marcar l'entamu d'un proyectu que va percorrer distintes localidaes asturianes en futures ediciones, coles mires de tresformales n'espacios d'alcuentru, cultura, música y tradición.Esti nuevu festival propón una mirada distinta y comprometida col territoriu, y ta dirixíu a un públicu cinteresáu na cultura, la sostenibilidá, la gastronomía local y los estilos de vida saludables, lo que lo convierte amás nun espaciu ideal pal alcuentru ente tradición y futuru.
El Pueblu va ufiertar un programa pa tola familia con una variada programación d'actividaes pensaes pa tolos públicos. Conciertos de primer nivel, con artistes como Sidonie, cabeza de cartelu, xuntu a Marlena, King África, The Rapants, Sanguijuelas del Guadiana, Niños Bravos, Amor Líquido, The Goodmen, Alfredo García, La Banda de Gaites El Penedón, mesmo qu'una sesión lletrónica con Héctor Llamazares, Yahaira, Kresy y Alejandro Ávila.
Tamién va haber espaciu p'actividaes tradicionales como les emblemátiques alfombres florales de Castropol, rutes guiaes, paseos a caballu, esposiciones de semeyes históriques y una azalea por embarcaciones del Club de Vela de Castropol. Amás, va haber sesiones de yoga con Betty Ewan o espacios y talleres infantiles: pintacares, globoflexia y sorpreses pa neños y neñes.